Presentación do proxecto
A nosa aposta
UNINOVA, a incubadora de empresas da Universidade de Santiago de Compostela, dache a benvida a incuba.t, a plataforma virtual que é a porta de entrada para facer realidade o teu soño como emprendedor: por en marcha a túa propia empresa. Dende aquí axudarémosche a percorrer o camiño aportándoche todo o apoio que precises.
Incuba.t é unha iniciativa resultado da participación de UNINOVA, no proxecto Europeo TRANSTIC, que ten por obxectivo a promoción da creación de empresas no sector das novas tecnoloxías no territorio de Galicia e do Norte de Portugal, así como sensibilizar ao sector empresarial sobre as vantaxes que da implantación das TIC se derivan.
A túa idea
Este é o punto de partida de todo emprendedor. Todo nace cunha idea de negocio. Idea que haberá que analizar e estudar máis a fondo para poder ver si tras dela pode haber un verdadeiro negocio. Nesta primeira fase do proceso, que como emprendedor terás que abordar, dende UNINOVA axudarémosche a avaliar a túa idea.
O teu proxecto
Para poder determinar si unha idea pode ser transformada nun negocio empresarial de éxito, antes hai que pasar pola etapa máis importante e minuciosa do proceso de emprender: a elaboración dun plan de negocio. Así, dende UNINOVA, aportarémosche toda a axuda necesaria para que poidas testar a túa idea, facendo un estudio profundo sobre todas aquelas variables que poidan influír no seu éxito.
A túa empresa
Esta é sen dúbida a fase máis apaixonante e gratificante de todo o proceso. Unha vez elaborado o plan de empresa e determinado que este é viable, dende UNINOVA acompañarémosche na primeira das etapas do emocionante mundo da empresa: xa eres empresario!. Durante os primeiros anos da túa empresa, se ti o decides, poderás incubarte en UNINOVA, recibindo todo o apoio e asesoramento necesario, para sortear os obstáculos que che se presenten no camiño.
